Logo Llacta!

Waranka, waranka kari warmikunami kanchi, juyayay, mana pipash sarunkachu

Confederaciķn de Nacionalidades Indígenas del Ecuador (CONAIE)

Kitu, 14 kamay killa 2005

[castellano]

Taita Intipak shutipi, pacha mamapak shutipi, yupaychani nini, ņaupa yaya kunata, Tupak Amaru, Micaela Bastidas, Tawantinsuyuta ņaupaman apak jatun Pachakutikta.

Ņukanchi yaya Atahualpa, ņukanchi jatun shinchik yaya Rumiņahui shutipi kai punlla sumak punllapi, kay Raymi punllapi kay ushaita ņuka makipi chaskini, yupaychani tukuy markakunata, yupaychani nini tukui ņukanchik ayllu llactakunata, yupaychani Saraguro ayllu, Loja markapi Zamora markapi kakunata, yupaichani Caņari ayllu llaktata, Azuay, Caņar markakunapi kawsakunata, yupaychani nini Purua ayllu llaktata, yupaychani nini Panzaleo, Huaranka, Kisapincha, Salasaca, Chibuleo tukuy paykunata yupaichani nini, yupaichanimi Kayambi ayllu llaktata, yupaichanimi Otavalo, Natabuela, Karanki tukuy kai ayllu llaktakunata yupaichani nini, Siona, Secoya, Huaorani, Cofan, kichwa, shuar achuar, zapara, shiwiar, tukuy kankunata yupaychani nini, shinallata kuntik suyu llaktapi awa, chachi, tsachila, manta huancavilca ayllu llaktakunata yupaichani nini kunan kay punllapi epera kunata tukuy kaypi kakkunata yupaychani nini.

Yupaichani nini ņuka aylluta, yupaychani nini ņuka wawakunata ņuka churi Pachakutik, Ņuka ushi Katik, ņuka sumak ushi kikinta yupaychani Achik Pakari, ņuka yupaychani nini ņuka sumak Wilka Diana, ņuka warmita tukuy punllakunata paykuna ņukata yanapashkamantak ņukaman ushayta kushkamanta yupaychani nini.

Tukuy yuyaiwanmi japini, tukuy shunkuwanmi japini kikinpa ņuka makipi churashkata mana pandarishpalla mana shun ņanda rishpa kikinkunawan tantarishpa ņaupaman katishun, tukuymi Conaita shayachina kanchik.

Conaika mana shinallachu, Conaika ņukanchik jatun ushayta apak, tukuy ņukanchik ayllu llaktakunapak ushayta apak.

Ņukanchika wakinpika pantarinchi, pita kay mama llaktapika ņukanchik ushayta apan wakinpika pantarishpa, ninchik Gutierrezmi kanka nishpa, paika mana ņukanchik pushakchu kan, ņukanchik purami pushanakuna kanchik, runapurami pushanakuna kanchik.

Wakinpika ņukanchik pantarinchik, ņukanchika chay wikza mapakunata, chay charik kunata, washata katishkanchik kullkimanta, washata katirinchik ņukanchiman pichka, ishkay punllallapish karanka nishpa, mikunata kunka nishpa, ari kunkami imashinami kaypi nirkakuna, ņa kunkami shuk, ishkay, kimtza mikunata kunkami shinallata tukuy ņukanchik kawsay pachata, ņukanchik wawakunata llankaywa waņuchinkapak, yarjaymanta waņuchinkapak runakutan mishukunata yanakunata imashimami kunan punllakaman charin.

Ama katishpalla ņukanchika shuk mushuk pushayta maskashun, mushuk pushakta wichayman shayachishun ņukanchillatik, ņukanchik maki ņukanchik yuyayhua ņukanchik tukui shunkuwa, wawakuna wasipi shuyakunkami yayakuna urkupi shuyakunkami imatata apakrinchik kaymantaka kai mushuk pushayta, kay mushuk yuyayta apashun mashikuna, taytakuna, mamakuna, wambrakuna, wawakuna kaypi kakuna, kay mushuk pushayta shinchita shayachishun maypi kashpapash urkupikashpa, waykupikashpa, shacha ukupi kashpa, maypikashpapash runakunami kay pushaytaka ņawpaman shayachina kanchik.

[difunde]
Agencia de Noticias Plurinacional del Ecuador (ANPE)

[+info]
http://www.ecuarunari.org
http://www.conaie.org

Valid XHTML 1.0! Valid CSS!

:: http://www.llacta.org ::