CONAIEPA TANTACHISKA YUYAYKUNA




Kitu, 8 octubre 2001.

Versión en lengua castellana >>




KAWSAY WILLACHIK

Waranka iskun patsak pusak chunka watakunapimi (1986) CONAIE wacharishka kipa, waranka iskun patsak iskun chunka kanchis (1997) watapi, chay punchamantami imarra kawsanakunata maskashpa kallarirkanchik, ashtawanpachaka kay noviembreniska killapimi karka, waranka iskun patsak iskun chunka watapi, shuk jatun tantanakuyta shinarirka, ashtawanpachaka tukuy runakunata tantachinkapak.

Kaypika Ecuarunari, Cafeniae, Shinallata Conaiepash, ñukanchikpa kamachikkunata tukuyman riksichishpa karka, shinapashmi CONAIE nishka uku kay MAMAPACHA KAMACHIK(Reforma Constitucional del Estado) ashtawankarin ñawpaman apashpa rikun chay watamanta, kay punchakunakaman, kaytaka OIT niska ukupimi ñukanchikpa kamachikkunata kilkachishpa arinichispa sakirka, chaymantapachami ñukanchik shimita rimayta ushanchik, ñukanchikpak kawsay kawsanchilla, ñukanchikta astawan sapiyachispa katinkapak, shinallata, ñukanchikpa allpa kichushkakunapash, kunanpika ñukanchimanllata tikrachimuyta ushanchik.


CONAIEPA SUMAK YUYAYKUNA

Ñukanchikpak yuyaykunaka, wacharimun tawka yuyaykuna jawa, chaymi ashtawan ñukanchik tantanakuykunata, ayllu llaktakunata, tukuy runamanta wacharishkakunatami wiñachishka.

Kay Ecuador llaktapika, tukuy turi pani shinalla kawsankapakmi kanchik, kaypak CONAIE ka, runakunapak tantanakuykunawan tantarishpa, pakta llankashpa, ñukanchipak tukuy llaktakunam mantarishpa usharinka yuyaywanmi kan.

  1. KULLKIKAMAY.- 
    Kaypimi ashtawanka rikuchinkapak munanchik imanishpa kulkitaka tukuyman paktachishpa kakana yuyayta kutichinchi, ashtawakarin wakcha llaktakukunaman chayachinkapak.

    Kay yuyaypika, kullkita mirachik yuyayka mana kanchichu, kaypika tukuyllatami llakashpa, trukashpa yanaparishpa katishunchik, imashina ñukanchik ñawpa yayakuna kashka.
  2. YUYAYKUNA.- 
    Kay yuyaykunawanka mañakunchikmi kamachikkuna tukuypak pakta kachun nishpa, chaypaka tukuy Ecuador mamallakta tatanakuy yuyaykunata alliman tikrachishpa katina, ama llullashpa, ama killanyachishpa, ama shuwana yuyayta charishpa. alli kawsayta maskashpa.

    Ashtawankarin tukuy runakunapa yuyakunata kawsachishpa katikunchik, tukuy pachamamanta llaktakunawan pakta.

    Shinallatak shukkunawan tantanakunkapak, ashtawankarin jichushka llaktakunawan Ecuador mamallaktata Pluriculturalnishkata llaktata jatunyachinkapak.

    Chaymantami ayllullaktakunataka shinchiyachispa katinkapak munanchik, paykuna shinallata shinchayachispa katihun.
  3. ÑUKANCHIK KAWSAY.- 
    Tukuy ayllu llaktakuna sapan sapan kawsayta charinchik, chaymantami Kay Ecuador mamallaktata ñawpaman pushkukta takurinchi imanishpata ñukanchita waklichispa chashkakuna rikushpa kachun, paypa jawami ñukanchik takikunam, jampikuna, kawsay, yuyaykuna shankispa katikunchik, ama ashtawan takurinakunkapakmi chaymanta mushuk yuyakunata wachachishun ninchi nachu.

    Kayta rikushpami yachikkunataka mirachichnata rikunchi, jampikunatapasha kawasachisa katina, ñukanchikpa kamichikkunatallata, tukuyta.
  4. YUYAYKUNAPA SHINCHI YALINAKUNA.- 
    Ñukanchipa, yuaykuna, wachachiska punchamantami wakin llakikunata charishpa katishka, chaymatami shinchi shinchi shayarishpa katina kanchik, chaymantami kaykunata riksichinchik:
    • Ayllu llaktakunami kay shimita yallichispa katishpa shinchiyachikta ushankuna.
    • Yachachispa yachakushpa katina, ashtawankarin kichwa runa wakchakunawan.
    • Ima ñawpaman pushakkunata ashtawan sapiyachishpa shinchiyachispa kana kanchik.
    • Willachispa ayllukunapak yuyaykunata shinchiyachina.
    • Tantanakuna yuyaymi ñawpa pachakunamanta wacharispa shamukushka, chay watakuna yallikpik ashtawan makipura-rinata maskana kanchik.
    • Ñukanchikpa yuyaykunata, imashina kay pachapi tukuy kawsanata rikukunchik, ama yanka shinalla rikurishpa katichun..


CONAIE


Traducción al kichwa: Pacha Terán Pineda.

Fuente: Rikcharishun - Periódico bilingüe de la ECUARUNARI






 
Llacta!    Portada |  Organizaciones |  Comunicados |  Noticias